Kitengo cha Sheria katika Manispaa ya Ubungo ni moja kati ya vitengo vitano vinavyowajibika moja kwa moja kwa Mkurugenzi wa Manispaa na majukumu yake makuu ni kuishauri Halmashauri ya Manispaa kuhusiana na masuala ya kisheria, kutetea maslahi ya Halmashauri ya Manispaa na kuandaa mikataba na makubaliano mbalimbali yanayohusu masuala ya kisheria hususani katika :-
Kutetea maslahi ya Halmashauri ya Manispaa ya Ubungo katika kesi mbalimbali zilizofunguliwa dhidi ya Halmashauri ya Manispaa au zilizofunguliwa na Halmashauri dhidi ya watu/Taasisi au makampuni mbalimbali.
Kutoa ushauri wa kisheria kwa mamlaka mbalimbali / watu binafsi kuhusiana na sheria mbalimbali
Kusimamia uendeshaji wa kesi katika Mahakama za Wilaya.
Kusimamia shughuli zote za ulinzi na usalama juu ya mali za Halmashauri ya Manispaa ya Ubungo.
Kuandaa mikataba na makubaliano mbalimbali kati ya Halmashauri ya Manispaa ya Ubungo, watu, makampuni, pamoja na taasisi nyingine.
