AFISA ELIMU MANISPAA YA UBUNGO AZINDUA TAMASHA LA MICHEZO BAADA YA KORONA

Posted on: August 21st, 2020

Tarehe 21/8/2020  Tamasha la Vodacom InterSchool Competition limefanyika kwa Kata ya Mbezi likihusisha shule za sekondari zilizopo katika Kata hiyo na Mgeni rasmi katika bonanza hilo ni Katibu wa Siasa na uwenezi wa CCM Mkoa  Ndg.Simoni Mwakifamba ambaye alipokelewa na mwakilishi wa Afisa elimu Manispaa ya Ubungo  Shima Banele.

Lengo la kufanyika kwa tamasha hilo ni kukuza vipaji vya wanafunzi,kuongeza ufanisi, kuwakuza kiafya na kuongeza umoja.  

Mashindano hayo yalihusisha mpira wa miguu wa wavulana, mpira wa miguu kwa wasichana na mpira wa pete wa wasichana.

Mshindi katika mashindano hayo ilikuwa ni  shule sekondari  Mbezi Inn kwa upande wa mpira wa miguu na  walitunukiwa medani, mpira na tisheti kutoka Vodacom pia Shule ya sekondari Mpigi Magoe iliibuka mshindi wa pili katika mashindano hayo.

"Nimefurahi kupata fursa hii kuja kujionea mashindano haya na niwapongeze waalimu na maafisa elimu kwa juhudi walizofanya na kuonyesha utofauti"  Alisema hayo Mwakifamba

Aidha aliongeza kwa kusema kuwa Mazoezi ni afya  na yanamfanya mwanafunzi kuimalika kiakili nani chakula cha ubongo pia.

"Elimu sio tu  ya darasani tu hata michezo ni elimu pia" ilikuwa ni kauli ya Shima Banele wakati akielezea namna ambavyo mazoezi hayo yanaumuhimu kwa wanafunzi.

Mwisho aliwapongeze wanafunzi wote kwa kujitoa kwao kushiriki mazoezi hadi kufikia hatua ya kucheza mashindano hayo kwani ni hatua kubwa yenye kuibua vipaji na kuonyesha picha nzuri  kwa wanafunzi hao.