DC KHERI ATATUA MGOGORO WA BWANA MTAA WA TEMBONI

Posted on: July 27th, 2021

Mkuu wa Wilaya ya Ubungo Mhe. Kheri  James ametatua mgogoro wa ardhi eneo la Bwawa Mtaa wa Temboni  kwa kusitisha ujenzi  unaofanyika katika eneo hilo na anayesadikika kuwa mmliki wa eneo hilo na kusema eneo hilo litakuwa mali ya Umma kwa sasa.

Mhe. Kheri amefikia uamuzi huo baada ya wananchi wa mtaa huo kutoa malalamiko kuwa wanapata shida ya nyumba zao kujaa maji kipindi cha mvua kutokana na mwekezaji huyo kuweka kifusi sehemu ya njia ya maji pamoja na kujenga kalvati dogo ambalo halipitishi maji vizuri.

Maamuzi hayo  ameyatoa Julai 27, 2021 kwenye kikao kilichohusisha wananchi wa eneo hilo pamoja na viongozi wa serikali  ngazi ya Mtaa, Kata na Halmashauri, ambapo Mhe. Kheri amesema, kutokana na sheria ya ardhi eneo la Bwawa  halimilikiwi na mtu binafsi kwa sababu haliwezi kufanyia maendelezo yoyote, hivyo ni mali ya Umma.

Aidha,Mhe.kheri ameagiza kuwa kifusi kilichowekwa kwenye eneo hilo kinacho sababisha hofu ya kutuamisha maji kipindi cha mvua  nakuathiri wananchi kitolewe haraka ili wananchi wasipate madhara wanayiyapata sasa ikiwemo vyoo kujaa haraka.

"Nategemea baada ya maamuzi haya Mtaa wa Temboni utakuwa tulivu na kazi ya serikali ni kuhakikisha kero za wananchi zinatatuliwa"alieleza Mhe.Kheri.

Pia , Mhe. Kheri ameamuru kifusi kinachoonekana kuleta hofu kwa watu kiondolewe ili maji yaendelee kupita.

Wakazi wa mtaa wa temboni wameridhika na maamuzi ya utatuzi wa mgogoro huo nawapo tayari  kushirikiana na wataalamu katika  utekelezaji wa maagizo yaliyotolewa katika mgogoro huo.