DC UBUNGO AHAIDI KUCHAPA KAZI

Posted on: June 21st, 2021

Mkuu wa Wilaya ya Ubungo Mhe. Kherry Dennis  James ameahidi kuchapa kazi na kuleta nafuu kwa wananchi wa Ubungo kwa kusimamia ulinzi na usalama, usafi wa mazingira na kusikiliza kero za wananchi  kama ilivyoelekezwa na Mkuu wa Mkoa huo wa Dar es Salaam

Hayo ameyasema leo  juni 21, 2021  kwenye hafla ya kuapishwa kwa  wakuu wa Wilaya za Mkoa wa Dar es Salaam iliyofanyika katika ukumbi wa Anatroglo uliopo Mnazi Mmoja jijini  Dar es Salaam.

"Namshukuru Mungu kwa fursa hii ya kuaminiwa na Rais wa Jamuhuli ya Muungano wa Tanzania kwa kuniamini Mimi na wenzangu  kuwatumikia wananchi kwa dhamani hii na ahidi kuwa mtumishi wao na sio mtawala" alisema hayo Dc Ubungo

Aidha akiongea baada ya kuwaapisha wakuu wa Wilaya hao Mhe. Mkuu wa Mkoa wa Dar es Salaam Mhe. Amos Makalla amewataka kutekeleza majukumu kwenye maeneo yao kwa uweledi na ufanisi ili kufikia malengo na kutatua kero za wananchi

Wakuu wa Wilaya hao wameelekezwa kusimamia ukusanyaji wa mapato, usafi wa mazingira, usimamizi wa miradi wa maendeleo, utatuzi wa kero za wananchi pamoja na kusimamia ulinzi na usalama katika maeneo yao