DC UBUNGO AMKABIDHI BI. NYANGOMA JAMES BAJAJI ALIYOMUOMBA MHE. RAIS

Posted on: July 20th, 2020

Mkuu wa Wilaya ya Ubungo Mhe. Kisare Makori tarehe 20/7/2020 amemkabidhi Bi. Nyangoma James Bajaji aliyomuomba Mhe. Rais siku ya tarehe 19/6/2020 eneo la Ubungo katika makao makuu ya Wilaya hiyo yaliyopo Luguruni.

Wakati wa makabidhiano hayo mkuu wa wilaya alimsisitiza Bi.Nyangoma kuhakikisha anaitumia bajaji hiyo vizuri  na kufanya kazi ipasavyo ili imsaidie kiuchumi

Kaitunze bajaji hii na yenyewe  ikutunze  ikakuongezee kipato  cha kuisaidia  familia yako na watoto wako" alisisitiza Makori.

"Nimshukuru Mhe.Rais kwani ni kiongozi anayejali wanyonge na aendelee na moyo huo huo kwani umesaidia wananchi wengi kupata maendeleo na hata taifa zima". Alisisitiza Mkuu wa Wilaya.

Vile vile Mkuu wa Wilaya alisema kuwa uongozi wa Wilaya umeshiriki ipasavyo katika ununuzi na kuhakikisha kuwa Bajaji hiyo ina vibali vyote kama Bima na Sumatra.

Mwisho Bi.Nyangoma alimshukuru Mkuu wa Wilaya kwa kumkabidhi bajaji hiyo na kutoa shukrani zake kwa Mhe.Raisi kwa kumsaidia kupata bajaji itakayomsaidia kujipatia kipato kitakachosaidia familia yake.