DC UBUNGO ATATUA MGOGORO WA ARDHI GOBA

Posted on: June 15th, 2021

Mkuu wa Wilaya  ya Ubungo Mhe. Kisare  ametoa ufafanuzi juu ya mgogoro wa shamba lililopo eneo la Goba Kisauke linalolamikiwa na familia ya Mziwanda kuwa wamenyang'anywa na Manispaa ya Ubungo

Akitoa ufafanuzi huo leo mbele ya waandishi wa habari na wananchi wa eneo la Kisauke mtaa wa kulangwa kata ya Goba, Kisare ameeleza kuwa  mgogoro wa  shamba hilo upo katika hatua za utatuzi  ambapo mpaka sasa familia ya Mziwanda haina  nyaraka za kuthibisha umiliki wa eneo hilo hali iliyopelekea  Manispaa kuwa ndio msimamizi wa shamba hilo kwa mujibu wa sheria.

"Nimeona nitoe ufafanuzi juu ya mgogoro huu ili kujenga uelewa wa  namna mgogoro huu ulivyoanza na hatua za utatuzi wake lakini pia kuondoa dhana kuwa familia ya Mziwanda wananyang'anywa eneo lao kinguvu"

Aidha, Kisare ameagiza kufunga nyumba zotezilizopo eneo hilo pamoja na  kutofanya muendelezo wowote katika eneo hilo ikiwemo ujenzi na uuzwazi viwanja katika  shamba hilo na atakayekiuka sheria zitachukuliwa dhidi yake.