HALMASHAURI YA JIJI LA TANGA WATEMBELEA MANISPAA YA UBUNGO KUJIFUNZA

Posted on: March 14th, 2022

Wataalam kutoka Halmashauri ya Jiji la Tanga, Leo tarehe 14.3.2021 wamefanya ziara ya kikazi katika  Manispaa ya Ubungo Lengo ikiwa ni  kujifunza namna ya uendeshaji na usimamizi wa  Kituo Cha Mabasi Cha  Magufuli kilichopo Mbezi ikiwa ni maandalizi ya kufungua Kituo Chao kipya kilichopo Kange Jijini humo 

Kiongozi wa msafara huo Mchumi wa Halmashauri ya Jiji la Tanga Bi. Mariam Chihimba amesema kuwa Lengo la ujio wao ni kuona namna Kituo kinavyoendeshwa kwa kuzingatia namna bora ya  upandishaji na uendeshaji  wa Kituo hicho na pia swala zima la  ukusanyaji wa mapato ili kuweza kupata elimu ambayo itaenda kuwasaidia katika uendeshaji wa stendi yao mpya 

"Tumefurashishwa na mfumo wa pangisha ambao Ubungo waliweza kuutumia"  na yote tuliyojifunza ikiwemo  matumizi ya Tehama ikiwemo  Pos machine, ufungaji wa camera(CCTV) Kama ulinzi wa Kituo  na pia swala zima la usimamizi wa Kituo ambao Meneja wa Kituo ameweza kutuelezea" alieleza Mariam

Mariama pia ameishukuru Manispaa ya Ubungo kwa ukarimu walioupata na kuweza  kujifunza mengi kuhusiana na Kituo hicho pia swala zima la ushirikiano uliopo Kati ya watalaam wa menejimenti ya Manispaa ya Ubungo ulivyo kwani umekuwa ni mfano tosha wakuigwa 

Aidha Afisa utumishi Manispaa ya Ubungo Selemani kateti ameishukuru Halmashauri jiji la tanga kwa kuichagua Manispaa ya Ubungo kuwa ya mfano kuwapa elimu na pia ameendelea kusisitiza kuhusu swala la mahusiano kuendelea kudumishwa na kuwakaribisha tena Manispaa ya Ubungo 

"Aliendelea kwa kusema kuwa anashukuru kwa waliyojifunza na kuwaeleza kuwa Kituo kinaendelea  na Ujenzi kwaiyo hata nyinyi mnaweza mkaendelea na utoaji wa huduma huku Kituo kikiendelea kujengwa"

N.b Mradi wa Ujenzi wa  Kituo ulianza Mwaka 2019-2020 na kujengwa kwa miezi 18, Kituo kinauwezo wa kupaki  mabasi 108 na pia kina majengo mbalimbali ikiwemo utawala, sehemu ya  kushusha na kupakia abiria,sehemu ya abiria n.k