KAMATI YA SIASA MKOA YAPOKEA TAARIFA YA UTEKELEZAJI WA MIRADI YA MAENDELEO UBUNGO

Posted on: March 18th, 2022

Kamati ya Siasa Mkoa wa Dar Es Salaam leo Machi 18, 2022 wamefanya ziara Wilaya ya Ubungo na kupokea taarifa ya utekelezaji wa miradi ya maendeleo inayotekelezwa katika Wilaya hiyo.

Katika ziara hiyo, kamati imetembelea mradi wa Ujenzi wa madarasa 20 katika  shule mpya ya sekondari Makabe ikiwa ni moja ya madarasa 151 yaliyojengwa katika shule  21  kupitia  fedha za  UVIKO-19 shilingi Bilioni 3.02.

Aidha, Kamati imepongeza  Manispaa  ya Ubungo kwa juhudi za uendeshaji mzuri wa miradi hiyo kwa kuhakikisha fedha walizopokea zimetekeleza miradi hiyo kwa ufanisi na uweledi

Nae mwenyekiti wa chama Cha Ccm Mkoa Kate Kamba ameagiza miradi yote ya madarasa na madawati  kutunza ili iweze kutumika hata kwa vizazi vijavyo

Niwapongeze watalam wa Halmashauri kwa usimamizi mzuri wa mradi, pamoja na Wana Makabe kwa kupata shule ambayo imeenda kutatua changamoto ya kufata shule mbali 

Akisoma taarifa ya utekelezaji wa miradi Mkuu wa Wilaya ya Ubungo Mheshimiwa Kheri James amesema kuwa kufikia Machi, 2022  Wilaya ya Ubungo imepokea kiasi Cha shilingi 18,909,220,309.10  kati ya fedha hizo shilingi 5,817,115,398 ni mapato ya ndani , 12,530,340,827 fedha za ruzuku  na shilingi 561,764,083  ni fedha za wadau

Aidha Kheri amewasilisha nyaraka ya Taarifa ya  utekelezaji wa miradi  kwa Mwenyekiti wa chama Mkoa Mheshimiwa Kate kamba 

Aliendelea kwa kusema kuwa kwa upande wa Afya shilingi 3,481,559,956 zimepokelewa kwaajili ya miradi ya maendeleo Kati ya hizo 1,031,000,000 ni mapato ya ndani  na shilingi 2,450,559,956  kutoka serikali kuu na wadau 

 Elimu sekondari imepokea shilingi 9,173,075,421.18  Kati ya fedha hizo shilingi 8,454,891,331 fedha za ruzuku  na 677,200,000 fedha za mapato ya ndani 

Bilioni 1,714,497,430 zimetolewa kwaajili  ya mikopo ya Wanawake, vijana na watu wenye ulemavu  ambapo vikundi 140 vya Wanawake wamepewa 938,707,430, vikundi 69 vya vijana vimepewa 651,240,000 na vikundi 13 vya watu wenye ulemavu shilingi 124,550,000

Elimu msingi 2,238,389,329 kwaajili ya utekelezaji wa miradi ,TASAF imepokea shilingi 167,891,150 kupitia mpango wa kusaidia kaya maskini