KIKAO KAZI BARAZA LA BIASHARA

Posted on: July 14th, 2022

Maafisa wa Serikali wasisitizwa kutoa elimu kwa wafanyabiashara wanapofanya ukaguzi kabla ya kutoza "fine" ili kuboresha, kukuza na kuleta maendeleo na ushirikiano baina ya wafanyabiashara na wataalam.

Akizungumza katika baraza hilo  Mkuu wa Wilaya ya Ubungo Mheshimiwa Kheri James Leo tarehe 14 julai, 2022 amesisitiza  Lengo la  kikao hicho ni kujadili maswala yenye tija na manufaa yatakayoleta   maendeleo kwa  kuboresha  na kukuza biashara katika  Wilaya hiyo

Aidha Kheri amesema kuwa jukumu la kamati ya ulinzi na usalama ni kulinda amani, kwa kuzingatia hilo  tutasaidiana na nyie wafanyabiashara  kutatua  changamoto mbalimbali na kukuza swala la usalama kwa wafanyabiashara 

Aidha, Nisisitize kwa Wanaofanya maegesho ya mabasi  katika maeneo ambayo sio rasmi kwa kupakia abiria ni lazima hatua zichukuliwe kwani ni kinyume Cha Sheria 

"Wananchi waendelea kukumbushwa  kuzingatia stendi ambazo ni rasmi kwaajili ya kupata usafiri na sio vyinginevyo na wale wanaopakia na kushusha sehemu ambazo sio rasmi watachukuliwa hatua na kuagizwa kuacha Mara moja" amesisitiza kheri

Nae mjumbe wa baraza la biashara kutoka TABOA Mustapha Mwalongo  ameishukuru Manispaa ya Ubungo kwa kuendelea kuboresha mahusiano mazuri na hasa katika kusikiliza kero zao na kuzifanyia kazi

Sambamba na hayo wajumbe waliendelea kuishukuru Manispaa ya Ubungo kwa kuendelea kusikiliza na kutatua changamoto wanazokutana Kama wafanyabiashara wanapokuwa katika maeneo yao ya biashara