LEAT YAENDELEA KUWAJENGEA UWEZO WATENDAJI WA MANISPAA YA UBUNGO JUU YA UTUNZAJI WA MAZINGIRA

Posted on: March 16th, 2021

Asasi isiyokuwa ya  kiserikali inayofanya shughuli za ulinzi na uhifadhi wa mazingira na rasilimali ya Lawayers Environment Action Team (LEAT)  tarehe 16/3/2021 katika ukumbi wa Green View Hotel uliopo Shekilngo  limetoa mafunzo kwa watendaji wa Kata,Mitaa, Maafisa Afya, Maafisa Mazingira, Wenyeviti wa Mitaa,maafisa Masoko, Machinga na Mama lishe juu ya namna bora ya kutunza mazingira.

Lengo la kutolewa kwa mafunzo hayo ni kuwajengea uzoefu na kuwapa ufanisi zaidi kuhusiana na utunzaji wa mazingira na kukabiliana na changamoto za kimazingira na namna bora ya kutunza mazingira

Aidha katika kuhakikisha mazingira yanakuwa safi na salama  LEAT imeendelea kusisitiza kwa changamoto zozote za kimazingira na msaada wa  kisheria itaendelea kutoa ushirikiano kwa Manispaa ya ubungo  na kuhamasisha zaidi watendaji wa kata, mitaa na maafisa afya na mama lishe kuendelea  kuboresha mazingira na kuhakikisha utunzaji wa mazingira katika maeneo yao

Pia LEAT wameendelea kusisitiza  mikakati ya utunzaji na udhibiti wa taka ngumu na taka miminika zinahifadhiwa mahala sahihi ilikuepusha uchafuzi wa mazingira  na hata maafisa mazingira kuhakikisha wanakuwa mstari wa mbele kuondoa taka katika maeneo yasiyo rafiki

Nae mama lishe Suzana Elias ameishukuru LEAT kwa mafunzo hayo kwa kuweza kuwakumbusha na kuwaongezea uwezo wa kwenda kufanya mazingira ya biashara  kuwa safi na salama kwa ustawi wa  afya kwaajili ya  wateja wao