MAADHIMISHO YA SIKU YA MAZINGIRA KIWILAYA

Posted on: June 4th, 2022

Kuelekea kilele Cha maadhimisho ya  siku ya Mazingira Duniani tarehe 5.6.2022 , Manispaa ya Ubungo Leo tarehe 4.6.2022 kwa kushirikiana  na wadau wa Songas , Twaweza na Roots and Shoots  imeadhimisha siku ya mazingira Duniani  kwa kupanda miti 500 katika eneo la jengo la utawala lililopo luguruni pamoja na kufanya usafi.

Akifungua Maadhimisho yaliyoenda sambamba  na Kauli mbiu ya TANZANIA  NI MOJA TU , TUNZA  MAZINGIRA. Afisa Tarafa Beatrice Mbawala amesema kuwa zoezi hili ni endelevu na Kila mwananchi katika Wilaya ya Ubungo ahakikishe anafanya usafi katika maeneo yote yaliyowazunguka

Aidha kaimu Mkurugenzi Dkt. Peter Nsanya amesisitiza swala la upandaji wa miti katika maeneo yetu kwa kuwahamasisha wananchi wa Wilaya ya Ubungo ili kuweka mazingira Safi na salama

"Niwashukuru wadau wote walioshiriki katika zoezi hili na tuendelee na utamaduni huu wa kupanda miti na kusafisha mazingira" alieleza Nsanya 

Halikadhalika, kaimu Mkuu wa idara ya mazingira Nice Vahaye amesema kuwa zoezi hili ni endelevu kwa Manispaa ya Ubungo na elimu imekua ikitolewa kwa jamii kuhusiana na upandaji miti sambamba na sheria ambazo zinawahimiza wananchi wote kuendelea kutunza mazingira

Nae  Meneja wa Songas tawi la Ubungo dkt. Michael Mngodo ameshukuru Manispaa ya Ubungo kwa kushirikiana kikamilifu katika kuboresha Hali ya mazingira kwa kufanya usafi na kupanda miti na kuahidi kuendelea kutoa ushirikiano kwa Manispaa ya ubungo