MAAFISA MAENDELEO YA JAMII NA TASAF WAJENGEWA UWEZO KUHUSU MASWALA YA LISHE

Posted on: January 13th, 2023

Siku 1000 katika maisha ya mwanadamu ni muhimu sana, Kila mwanamke anatakiwa kuzingatia anapata lishe Bora pale tu anapojijua ni mjamzito ili kupata mtoto asiyekuwa na udumavu wala changamoto yoyote ya kiafya

Hayo yameelezwa Leo tarehe 13 Januari 2023  na Afisa lishe Manispaa ya ubungo Beatrice Mossile alipokuwa anatoa elimu kuhusu maswala ya lishe kwa maafisa maendeleo na Tasaf Manispaa ya ubungo ili waweze kutoa elimu hiyo katika ngazi ya jamii 

Ni muhimu mama kuhakikisha anakula mlo kamili anapojijua ni mjamzito na kuzingatia anapata madini ya chuma ili kuepusha kupata watoto wenye Afya dhaifu, vifo vya watoto wachanga na hata kupoteza maisha wanapojifungua. Alieleza hayo Mossile

Aliendelea kwa kusema kuwa ni muhimu  kuelimishe jamii kuhusu kula Mlo kamili kwa kuzingatia makundi matano, kundi la kwanza ni vyakula vya nafaka, mizizi na ndizi mbichi, kundi la pili ni mimea na wanyama, la tatu ni  mbogamboga, la nne ni matunda na la tano ni mafuta na sukari 

Aidha, Mossile aliendelea kuwakumbusha wakina mama wote pale tu unapojihisi ni mjamzito Kuhudhuria kliniki ni muhimu sana  hii kumlinda mtoto aliye tumboni kwani unapowai kufika katika kituo cha Afya inasaidia kupata huduma za Afya ya uzazi mapema ambapo itasaidia  katika ukuaji wa watoto na kusaidia kuzaliwa wakiwa na Afya nzuri 

Uzingatiaji na ulaji wa vyakula vyenye ubora kwa Afya husaidia kuepukana na magonjwa yasiyoambukiza na hata kuweka mwili kuwa imara