MANISPAA YA UBUNGO YAFANYA KIKAO NA WADAU WA ASASI WALIOPO KATIKA MANISPAA HIYO

Posted on: July 10th, 2020

Kikao hicho kilifanyika   katika ukumbi wa Tunu Hall uliopo Mbezi na kuongozwa na Mwakilishi wa Mkurugenzi ambaye pia ni Kaimu mkuu wa idara ya Maendeleo ya jamii  Mercy Ndekeno  Mratibu wa asasi zisizo za Kiserikali  Manispaa ya Ubungo  Juliana Kibonde na kuhudhuriwa na wawakilishi wa Asasi mbalimbali zilizopo Manispaa ya Ubungo  na Wataalam kutoka katika Manispaa hiyo.

Lengo la kikao hicho ni utambuzi wa asasi ambazo zipo Manispaa ya Ubungo na kutathimini shughuli zinazofanywa na asasi  hizo na kutengeneza mpango kazi utakao tumika kwa mwaka 2020/2021

"Ni lazima asasi zifanye kazi zake kwa kufuata sheria, kanuni na taratibu ambazo zitasaidia katika kuhakikisha mnafanya kazi za kuhudumia wananchi ipasavyo na lengo kutimia, pia mhakikishe mnapata kibali kutoka Tamisemi kitakachosaidia asasi zenu kutambulika." Alisema hayo Juliana Kibonde

"Kazi zikafanyike kwa weledi na mkahakikishe mnasimamia misingi yenu ya kazi ili kufanikisha maendeleo ya asasi zenu na kuleta maendeleo katika Manispaa ya Ubungo"Aliongeza Juliana

Aidha mwakilishi wa dawati la Ukimwi Manispaa ya Ubungo ambaye pia ni kaimu Mkuu wa Idara ya Maendeleo ya Jamii  Mercy Ndekeno aliwaasa kuhakikisha wanatoa elimu kuhusu magonjwa yanayoikumba jamii kwa sasa na kama watekelezaji wa asasi hizo kuwa mstari wa mbele kuhamasisha jamii kujitokeza kupima magonjwa mbalimbali kama ukimwi, shingo ya kizazi n.k

Pia Mwakilishi wa dawati la vijana Bi.Bupe Mwansasu aliwaomba wahakikishe katika asasi zao wanaendesha mafunzo kuhusu stadi za maisha kwa jamii na kushirikiana na wadau kuanzisha vituo vya ushauri nasaha na kuendeleza vipaji vya vijana walioko katika jamii.

Sambamba na hayo Juliana alizungumzia kuhusu dawati la Mtoto na wanawake  ambalo Idara ya Maendeleo ya jamii inashughulika nalo kuhakikisha mtoto anapewa haki zake na mwanamke katika jamii kutambua haki zake na kuepeukana na manyanyaso na ukatili wa kijinsia.

Nae mwakilishi wa asasi ya Family Walfare Foundation  Angela Mfinanga ameshukuru kwa elimu waliyoipata  na maandalizi yaliyofanyika ya kikao hicho.

Mwisho  Mercy Ndekeno  aliwashukuru kwa ujio wao na  kuwakaribisha tena  Manispaa ya Ubungo.