MANISPAA YA UBUNGO YAIMARISHA USAFI KWENYE MAENEO YAKE

Posted on: January 28th, 2021

Manispaa ya Ubungo imeendelea kusimamia usafi katika mazingira yake hususani kwenye masoko ambako uzalishaji wa taka ni mkubwa sana na hivyo Manispaa imekuwa ikijitahidi kuzoa  taka hizo Kwa wakati

Akizungumza wakati wa  uzoaji taka katika soko la SIMU2000, Mkuu wa Hifadhi ya Mazingira na Usafishaji Lawi Bernard amesema Manispaa ya Ubungo ina jumla ya magari 3  na mtambo 1 kwa ajili ya kuondoa taka kwenye maeneo ya masoko ikiwemo  soko la  mbezi, Mabibo gameti, manzese na simu2000 pamoja na maeneo mengine ya umma

Bernard amesema kuwa  magari ya kuzoa taka katika masoko makubwa  unafanywa kwa  wastani wa mara tatu kwa wiki na hii ni kutokana na masoko hayo kuzalisha taka nyingi zinazotokana na bidhaa zinazoharibika kwa haraka hususani matunda.

Zoezi la kuzoa taka katika soko la SIMU2000  leo tarehe 28 januari, 2021

Uzoaji wa taka  wa mara kwa mara kwenye masoko na maeneo mengine umesaidia kwa kiasi kikubwa kufanya maeneo mengi ya Manispaa kuwa masafi hususani kwenye masoko ambako uzalishaji wa taka ambazo zinaweza kusababisha harufu mbaya ni mkubwa na hivyo kuleta kero kwa wananchi.

Kwa upande wa maeneo ya barabara na viunga Manispaa inafanya usafi Kwa kutumia wakandarasi ambapo Kwa sasa kampuni ya SUMAJKT  ndio inayofanya kazi hiyo

Na hii inahusisha kipande cha barabara ya morogoro kinachopita ndani ya Manispaa, barabara ya Sam nujoma, Mandela, barabara ya Goba na barabara nyingine zinazoozunguka Manispaa

Aidha, taka zinazozalishwa kwenye makazi ya watu Manispaa imeingia mikataba na wakandarasi  Kwa kila mtaa Kwa ajili ya kukusanya taka hizo 

Magari huwa yanazunguka kwenye Mitaa kulingana na mikataba na ratiba zilizopo kwenye Mitaa hiyo"

Gari la kuzoa taka likipita mtaani kukusanya taka 

Akiongea kwa niaba ya wafanyabiashara wa soko la SIM2000 Aisha Juma amesema kuwa anaishukuru na kuipongeza Manispaa ya Ubungo Kwa kusimamia vyema kazi ya uzoaji taka katika soko hilo.