MANISPAA YA UBUNGO YAINGIA MKATABA NA KAMPUNI TATU ZA USAFI NA MOJA YA ULINZI

Posted on: December 20th, 2019

Halmashauri ya Manispaa ya Ubungo imeingia mikataba na kampuni tatu za usafi na moja ya ulinzi ambapo zoezi hilo limefanyika katika ofisi za Manispaa zilizopo Luguruni mbele ya Mkurugenzi wa Manispaa Beatrice Dominic.

Kampuni hizo  ni ENGO ENTARPRISES  itakayofanya usafi na kuhudumia Makao Makuu  ya Manispaa, Kampuni ya JUHUDI CORPORATION COMPANY LIMITED itakayofanya usafi wa barabara kutoka Shule ya Msingi Muhalitani hadi barabara ya Shekilango na barabara ya Mbokemu ( kutoka makutano ya barabara ya Morogoro hadi Sweetcorner- mlandizi road, kwenda Dampo la taka Pugu Kinyamwezi,  Kampuni ya CESAM GENERAL SUPPLIES CO. LTD itakayofanya usafi katika barabara ya Sam Nujoma mpaka kiwanda cha Nida.,SENGO 2000 (T) LTD itakayotoa huduma ya Ulinzi Makao Makuu.

Aidha wakati akiwasainisha Mikataba hiyo Mkurugenzi Beatrice Dominic  amewataka kufanya kazi  kwa kufuata mikataba yao, na alisisitiza kuwa si jambo jema kukiuka masharti hali hii husababisha malalamiko yasiyo ya msingi. Pia amewasihi kuomba malipo kwa wakati na yawe halisi na kuwaasa wawe waadilifu na wafuatiliaji wa watumishi wao.

Lengo kuu la kusaini Mikataba hiyo likiwa ni kuhakikisha Mazingira ya Manispaa ya Ubungo yanakuwa katika hali ya usafi.