MANISPAA YA UBUNGO YAPOKEA UGENI KUTOKA CANADA

Posted on: January 14th, 2020

Mkuu wa Wilaya ya Ubungo Mhe. KISARE MAKORI na Mkurugenzi wa Manispaa ya Ubungo BEATRICE DOMINIC leo hii wamewapokea wabunge 2 wa Bunge la CANADA wakiongozana na  wajumbe  wengine kutoka  Nchini CANADA.  Wageni hao  wamefika Manispaa ya Ubungo  lengo kuu likiwa ni kuona matumizi ya vishkwambi (tablets) na chanjo ambazo zinafadhiliwa na  shirika la GAVI ambalo    Canada ni mdau mmoja wapo wa shirika hilo linalosaidia maswala ya Chanjo Duniani.

Nishukuru kwa ujio wenu na msaada ambao tumeupata kutoka kwenu kwani inaonyesha ni jinsi gani mmekuwa na ukaribu mzuri na ushirikiano wenu kwetu umekua mzuri katika kuleta maendeleo katika zahanati zetu za Wilaya ya Ubungo  kwa kutoa vifaa ambavyo  vinasaidia wananchi wetu na kuleta maendeleo katika utoaji na upatikanaji wa taarifa kiteknolojia kwa kutumia Vishikwambi (tablet)na chanjo ambazo zinasaidia kwa watoto ambao wapo katika umri wa chini ya miaka mitano kwani inasaidia katika kuleta kizazi chenye afya nzuri kwa taifa”.  Alisema Mkuu wa Wilaya.

Nae Mkurugenzi wa Manispaa ya Ubungo Beatrice Dominic  alishukuru kwa ujio wao na msaada ambao wameutoa  kwa Wananchi wa Manispaa ya Ubungo kwa kupata mfumo mpya wa utunzaji wa taarifa kwa kutumia Vishikwambi (tablet) na  maendeleo kwa ujumla ambayo Zahanati zetu za Manispaa ya Ubungo  imepata hasa chanjo ambazo zinafadhiliwa na shirika hilo

Nipende kuwakaribisha tena na sisi kama Halmashauri ya Manispaa ya Ubungo tutahakikisha wananchi wanapata huduma  Bora za afya  ili kuondoa umasikini na kukuza uchumi wetu kama lilivyo lengo la  serikali ya awamu ya tano. Nia ya halmashauri ni kuhakikisha kuwa misaada inayotolewa na wafadhili hawa inatumika kwa lengo lililokusudiwa na si vinginevyo. Aliongeza Mkurugenzi

Pia Mganga mkuu wa Manispaa ya Ubungo Dk.Peter Nsanya  kwa kumalizia alitoa pongezi na shukrani za pekee kwa ugeni uliokuja kwa msaada ambao wameutoa kwani umewezesha maendeleo ya  zahanati kwa  kusaidia  wauguzi kupunguza kazi ya kujaza vitabu pindi mteja anapofika kupata huduma.. Mfumo huo utatoka taarifa sahihi na kwa wakati za chanjo na wateja.