MANISPAA YA UBUNGO YAZINDUA KAMATI ZA AFYA ZA KITUO CHA AFYA SINZA NA ZAHANATI YA MALAMBA MAWILI

Posted on: September 12th, 2020

Uzinduzi huo umefanyika  katika ukumbi wa LAPAZ uliopo Luguruni na Mkurugenzi wa Manispaa ya Ubungo Beatrice Dominic na kuhudhuriwa na  Mganga Mkuu wa Manispaa hiyo Dkt.Peter J.Nsanya, Mwenyekiti wa bodi ya afya Manispaa ya Ubungo Ndg.Israel Sosteness na Wataalam kutoka katika Manispaa ya Ubungo.

Katika uzinduzi huo kamati zilielekezwa  majukumu yao ambayo ni kusimamia vituo kwa shughuli za kila siku, kusimamia maboresho  ili wanachi  wapate huduma bora za Afya ,matumizi ya dawa, kushiriki katika mipango ya kituo  kila mwaka,Wajumbe hao pia wamefundishwa  juu ya ukaguzi wa dawa vituoni(drug audit) n.k

Aidha Mkurugenzi aliongea Kamati zote za Afya Manispaa ya Ubungo kutoka zahanati,Vituo vya Afya na Hospitali juu ya Ukaguzi wa dawa kwenye Vituo hayo , iCHF ianze na wao poa jamii  inayowazunguka, Vilevile  aliwapongeza  wataalam wote ambao wapo kwenye vituo kwa kufanya kazi vizuri na kutoa huduma nzuri   mfano kituo cha Afya cha Sinza, Kimara, Mbezi n.k

"Niwaase wajumbe mkapate huduma katika zahanati na vituo vya afya vilivyopo katika Manispaa ya Ubungo ili kuongeza mapato". aliongeza Mkurugenzi

Vilevile aliwakabidhi miongozo   wajumbe wa  Kamati ya Afya zahanati ya malamba mawili na  wajumbe wa kamati ya  Afya  Hospitali ya Sinza.

Nitamke rasmi kamati ya sinza na malamba mawili imezinduliwa rasmi leo tarehe 12/9/2020

Aidha Mganga Mkuu wa Manispaa ya Ubungo  *Dkt.Peter J. Nsanya*  aliwataka  wajumbe kuwa mawakala wazuri wa kushawishi wananchi wa wilaya ya Ubungo kujiunga na bima ya Afya ya Jamii (ICHF) ili kupata huduma za afya kwa gharama nafuu.

"ICHF ni bima inayomsaidia mwananchi yoyote wa hali ya chini kupata huduma ya matibabu kwa gharama ya Tsh40,000 kwa mtu mmoja na 150,000/=kwa familia ya watu sita  baba, mama na tegemezi wake wanne kwa mwaka mzima"  aliongeza Mganga Mkuu.

Sambamba na hayo Mganga Mkuu aliendelea kuwakumbusha wajumbe kuwa ni muhimu wakatambua majukumu yao na kuzingatia misingi  ya kazi zao.

Nae Mwenyekiti wa Bodi ya Afya Manispaa ya Ubungo *Ndg.Sostenes Israel*  aliwashukuru wajumbe wa kamati na kuwasihi kuzingatia majukumu yao na kuwapongeza kwa kazi nzuri ambazo zinafanyika.

Mwisho Mkurugenzi aliwashukuru wajumbe kwa ujio wao na kuwapongeza kwa kujitokeza kwa wingi  pia aliwaasa wakafanye kazi ipasavyo na kuwataka wakajitokeza kwa wingi wakati wa uchaguzi iliwaweze kuchagua viongozi wao.