MAWAKALA WA VYAMA VYA SIASA MANISPAA YA UBUNGO WAAPISHWA,

Posted on: October 21st, 2020

Msimamizi wa Uchaguzi wa Jimbo la Kibamba na Ubungo Beatrice Dominic Leo tarehe 21 oktoba, 2020 amewaapisha Mawakala wa vyama mbalimbali  vya siasa vitakavyoshiriki zoezi la uchaguzi wa Rais, Wabunge na Madiwani utakaofanyika  oktoba, 2020.

Akiendesha zoezi Hilo, Beatrice  amewataka Mawakala hao  kutunza Siri za Uchaguzi Kama walivyoapa kwenye viapo vyao pamoja na  kuzingatia kanuni, taratibu na sheria za Uchaguzi  za mwaka 2020  ili  zoezi hilo lifanyike kwa amani na utulivu.

"Ni haki ya kila chama cha siasa kinachoshiriki Uchaguzi kuwa na wakala, ila tambueni kuwa Kwa wakala atakayeshindwa kuzingatia kiapo hiki hatua za kisheri zitachukuliwa dhidi yake ikiwemo kulipa faini au kifungo au vyote kwa pamoja" Beatrice alieleza

Msimamizi Msaidizi wa Uchaguzi jimbo la Ubungo Kissah Mbilla akiwaapisha mawakala katika kata ya Ubungo Leo tarehe 21 oktoba, 2020

 Aidha, Beatrice  ameendelea kuwaeleza mawakala hao kuwa, kuapa kiapo hicho ni utekelezaji  wa kanuni ya 50(4) ya kanuni za uchaguzi wa Rais na wabunge za mwaka 2020 na kanuni ya 43(4) ya kanuni  za Uchaguzi wa Serikali za mitaa( uchaguzi wa madiwani)  za mwaka 2020.

Msimamizi Msaidizi wa uchaguzi jimbo la Kibamba  Tumaini E Mrango akiwaapisha mawakala wa vyama vya siasa katika kata ya Kwembe Leo tarehe 21 oktoba,2020