MKURUGENZI WA MANISPAA YA UBUNGO APOKEA MAKABATI 44 KUTOKA SHIRIKA LA JSI

Posted on: December 18th, 2019

Mkurugenzi wa Manispaa ya Ubungo BEATRICE DOMINIC  akiongozana na Wataalam wa Manispaa ya Ubungo leo amepokea makabati kutoka katika Shirika la JSI  katika Kata ya Kwembe.
Wakati akikabidhi  makabati hayo Mkurugenzi  wa JSI kanda ya Pwani  PAMELA MSEI  alisema kwa Halmashauri ya Manispaa ya Ubungo tutatoa makabati 44 ambayo yatakwenda katika Kata 10 ambazo zipo katika Halmashauri ya Ubungo.
 Kata hizo ni Kata ya Kwembe inakayopata makabati 8, Kata ya Goba makabati 4, Kata ya Kimara makabati 3, Kata ya Mabibo makabati 2, Kata ya Makurumla makabati 6, Kata ya Manzese makabati 2 ,Kata ya Mbezi makabati 5, Kata ya Saranga makabati 12, Kata ya Sinza kabati 1 na Kata ya Ubungo kabati 1.

Aidha Mkurugenzi wa JSI alitambulisha shirika la JSI kuwa ni shirika linalo  tekeleza Mradi wa uboreshaji wa mifumo ya afya na ustawi wa jamii.Katika Wilaya ya Ubungo tutakuwa na Kata kumi ambazo kama shirika la JSI tumehakikisha tunapeleka makabati ya kuifadhia taarifa za watoto na wanawake wanaokuwa wanafanyiwa ukatili wa kijinsia na tutakabidhi fomu namba tatu piece 78 ambazo zitasaidia katika ukusanyaji wa taarifa. Aliyasema hayo Mkurugenzi wa JSI.
Baada ya kupokea Makabati hayo *Mkurugenzi Beatrice Dominic alitoa shukrani zake za pekee kwa shirika la JSI na Mkurugenzi wa JSI kwa mchango wao wa Makabati waliyoyatoa katika Kata ya Kwembe.
Nishukuru kwa JSI kwa kazi wanayofanya hasa kwa Halmashauri ya Ubungo na niagize makabati haya yakahifadhie taarifa zinazostahili kuwekwa katika makabati haya na si vinginevyo na nitafuatilia hili katika kata hizi kuliangalia hili kwa umakini na kufwatilia.

Pia niagize kwa watendaji ambao mpo chini yangu tufanye kazi kwa haki na tutekeleze yale ambayo mradi unategemea kwamba tutayafanya na sisi kama Wataalam tuhakikishe haya yanayofadhiliwa na wenzetu tunayafanyia kazi. Alisema hayo Mkurugenzi  Beatrice Dominic

Aidha Nipende kusisitiza wanakamati mkiwa katika vikao vyenu mjadili mambo yote muhimu na muhakikishe mnapata taarifa sahihi za watoto wanaohishi katika mazingira magumu na muhakikishe mnashughulikia vyema na mtumie vikao mnavyofanya mtoe taarifa za sehemu mnapotoka na mziweke katika maandishi.  Aliongeza Mkurugenzi Beatrice Dominic
Nae Mganga Mkuu wa Manispaa ya Ubungo Ndg.PETER NSANYA  alitoa shukrani zake kwa Shirika la JSI kwa mchango wao walio hutoa kwa Manispaa ya Ubungo na kuahaidi makabati hayo yatatumika ipasavyo katika kuhifadhi taarifa za watoto hao.