RC KUNENGE AIPONGEZA MANISPAA YA UBUNGO KULIPA FIDIA YA ARDHI MILIONI 991

Posted on: September 30th, 2020

Mkuu wa Mkoa wa dar es salaam, Mhe.Aboubakar Kunenge ameipongeza Halmashauri ya manispaa ya ubungo Kwa kufanikiwa kutoa fidia ya shilingi milioni 991 na kupata eneo la ujenzi wa soko la wajasiliamali wadogo la mbezi Luis ambapo ujenzi huo upo hatua za umaliziaji.

Pongezi hizo amezitoa leo wakati alipotembelea na kukaugua utekelezaji wa mradi huo na kueleza kuwa ujenzi wa soko hilo  ni agizo la serikali la kutenga maeneo maalumu Kwa ajili ya wajasiriamali wadogo  kote nchini.

Kunenge  ameeleza kuwa "Kwa Mkoa wa Dar es salaam changamoto kubwa ilikuwa kupata maeneo maalumu ya kuwaweka wajasiliamali wadogo nawapongeza Manspaa ya ubungo Kwa kuweza kupata eneo hili"

Aidha Kunenge amewahakikishia wajasiliamali wadogo wa eneo la mbezi uwepo wa wateja kwani eneo linapojengwa soko ni karibu kabisa na stendi mpya ya Mbezi hivyo wateja watakuwa wa uhakika.

Kwa upande wake Mkurugenzi wa Manispaa ya Ubungo Beatrice Dominic amesema soko hilo limepanga kujenga   mabanda 7 ambapo 5 yamekamilika

Baada ya kukamilisha mradi  jumla ya  wajasiliamali 644  watanufaika na ujenzi wa soko hilo ambapo  kila Banda litachukua wajasiliamali 92.