RC KUNENGE APOKEA MSAADA WA MADAWATI 400 KUTOKA NMB

Posted on: January 22nd, 2021

Mkuu wa mkoa wa Dar Es salaam, Abubakar  Kunenge leo januari 22, 2021amekabidhiwa   msaada wa madawati 400 kutoka benki  ya NMB ikiwa ni sehemu ya kuunga mkono agizo la mheshimiwa Rais Dkt John Pombe Magufuli la kutaka wanafunzi wasikae chini ikiwemo wanafunzi wa shule ya msingi king'ongo.

Benki ya NMB imekabidhi madawati hayo  katika shule ya msingi king'ongo ambapo kunajengwa madarasa tisa (9) kufuatia agizo la Mhe Rais la kutaka wanafunzi wa shule hiyo wasikae chini Wala kusomea nje.

Akiongea kabla ya kukabidhi madawati hayo , Kaimu Mkuu wa Fedha wa benki hiyo ndugu Benedicto Baragomwa amesema kuwa madawati 150 kati ya 400 yaliyotolewa na benki hiyo ni kwa ajili ya shule ya msingi King'ongo huku yanayobaki kupelekwa shule ya Makabe,  Kibwegere, Mpigimagoe na shule ya sekondari Kimara kwa lengo kupunguza changamoto ya upungufu wa madawati katika shule hizo.

Baragomwa ameeleza kuwa "Tulipoona changamoto ya ukosefu wa madawati katika shule ya  msingi King'ongo sisi kama taasisi ya Nmb tukaona tutoe msaada wa madawati haya katika kuendeleza juhudi za serikali  za kuboresha mazingira ya kujifunza na kujifunzia kwa  kujenga madarasa na kutengeneza madawati ili wanafunzi wasome kwenye mazingira magumu

Mkuu wa mkoa wa  Dar Es salaam Mhe Abubakar Kunenge ameishukuru benki ya Nmb kwa msaada wao kwani utasaidia kupunguza changamoto ya madawati kwenye shule za Mkoa you  hasa shule ya King'ongo ambayo  baadhi ya wanafunzi walikuwa wanakaa chini. 

Kunenge amewaeleza wananchi kuwa serikali kwa kushirikiana na wadau  inaendelea kutatua kero zao  mbalimbali  ikiwemo kujenga  miundombinu ya madarasa pamoja kutegeneza  madawati ambapo kwa sasa jumla ya madawati elfu arobaini  (40,000) yapo katika hatua mbalimbali za utengenezaji ili kumaliza kabisa changamoto ya madawati katika shule za Mkoa huo. 

Kwa upande wa madarasa, Kunenge amesema Mkoa una upungufu wa madarasa 339 na kazi ya ujenzi wa madarasa hayo inaendelea na yanatarajia kukamilika februari 28 2021 ambapo mpaka leo jumla ya madarasa 97 yameshakakilika

"Niwahakikishie wananchi wa king'ongo na Dar Es salaam kwa ujumla kuwa tumejipanga kutatua changamoto za madarasa na madawati  katika shule zote ili wanafunzi wawe na mazingira bora ya kujifunza na kujifunzia"

Kunenge  ameengpdelea kueleza kuwa, matokeo ya mitihani wa  darasa la saba mwaka 2020 , mkoa wa Dar Es salaam uliongoza  kutokana na juhudi za serikali na ufundishaji mzuri wa walimu, hali iliyopelekea   uwepo wa wanafunzi wengi katika shule za sekondari. Aidha kwa upande wa shule za misingi hadi kufika mwezi machi mwaka huu, jumla ya wanafunzi wa darasa la kwanza elfu sabini na nane (78,000) yanatarajiwa wameandikishwa.

 wanafunzi, ameishukuru  benki ya NMB kwa msaada wa madawati hayo  kwani wanafunzi sasa waliokuwa wanakaa chini watakuwa wanakaa  kwenye madawati hali itakayosakdia wanafunzi kujifunza katika mazinga mazuri.