RC MAKALLA AIPONGEZA UBUNGO KUWA WA KWANZA KIMKOA KUKAMILISHA UJENZI WA MADARASA

Posted on: January 5th, 2022

Mkuu wa Mkoa wa Dar Es Salaam Amos Makalla ameipongeza Wilaya ya Ubungo kwa kuwa wa kwanza kukamilisha Ujenzi wa madarasa 151 kwa shule 21 ikiwa ni maandalizi ya kupokea wanafunzi wa kidato Cha kwanza  kwa Mwaka 2022 na kuingia rasmi  tarehe 17.1.2022 katika madarasa hayo  yakiwa yamekamilika

Makalla ameyasema hayo Leo tarehe 5.1.2022 alipotembelea Ujenzi wa madarasa katika  shule ya sekondari ya Makabe iliyopo Kata ya Mbezi yenye madarasa 20  yaliyokamilika na ni shule mpya inayoenda kupokea wanafunzi kwa awamu ya kwanza waliofaulu kujiunga na kidato Cha kwanza  Mwaka 2022

Aidha Makalla amemshukuru  Mheshimiwa rais wa Jamuhuli ya Muungano wa Tanzania Samia Suluhu Hassani kwa mgao wa fedha za mpango wa Taifa kwaajili ya Mapambano Dhidi ya Uviko-19 ambazo zimeenda kuboresha sekta ya elimu na kupunguza changamoto ya uchache wa madarasa kwa wananfunzi wanaojiunga kidato Cha kwanza

Makalla amewapongea viongozi akiwemo mkuu wa Wilaya , Mkurugenzi wa manispaa ya Ubungo na mstahiki meya kwa kusimamia utekelezaji wa miradi hiyo kwa uweledi

Nae Mwenyekiti wa chama mkoa Kate Kamba amewahasa wananchi kujitokeza kwa wingi kuchanja chanjo ya Uviko-19 ilikujikinga na ugonjwa huo

Napia ametoa pongezi zake kwa Uongozi wa Wilaya ya Ubungo kwa kuonyesha umahili na uweledi kwa kusimamia mradi kuwa wenye ubora na viwango

Alikadhalika Mkuu wa Wilaya ya Ubungo Mhe.Kheri James amemshukuru Makalla kwa ujio wake na pongezi alizotoa  na kuahidi kuendelea kusimamia na kutekeleza  majukumu yote  kwa ufasaha

Sambamba na hayo mwananchi wa eneo hilo ambaye pia ni mjumbe Bi. Mwantumu Ramadhani amemshukuru Mheshimiwa Rais wa Jamuhuli ya Muungano wa Tanzania Samia Suluhu Hassani kwaajili ya fedha zilizotolewa kwaajili ya Ujenzi wa madarasa  kwani shule hiyo inaenda kuwa msaada mkubwa kwa wakazi wa Makabe na kata ya mbezi kwa ujumla

Ujenzi wa madarasa hayo yametokana na fedha za mgao wa Ustawi wa Taifa na Mapambano Dhidi ya Uviko-19 ambapo katika mgao huo Manispaa ya Ubungo ilipokea bilioni 3.02 kwaajili ya Ujenzi wa madarasa 151 kwa shule 21