TIMU YA UFUATILIAJI NA TATHIMINI KUTOKA WIZARA YA FEDHA NA MIPANGO WATEMBELEA MRADI WA UJENZI WA JENGO LA OFISI ZA UTAWALA MANISPAA YA UBUNGO

Posted on: September 8th, 2020

Tarehe 8/9/2020 Mkurugenzi wa  Manispaa ya Ubungo *Beatrice Domic* amepokea ugeni wa Timu ya tathimini na ufuatiliaji kutoka Wizara ya Fedha na Mipango kwaajili ya kutembelea ujenzi wa jengo la Utawala la Ofisi za Manispaa ya Ubungo  lililopo Luguruni.

Aidha Mkurugenzi alitoa ufafanuzi wa mradi ulipofikia  na alisema kuwa kasi ya ujenzi wa  mradi  ni ndogo na kupelekea kuchelewa kukamilika  kulingana na muda uliotolewa  na Mkuu wa Mkoa wa Dar es salaam *Mhe.Aboubakar Kunenge* alipotembelea mradi huo na kutoa wiki sita kwa Mkandarasi wa TBA kuhakikisha mradi umekamilika.

"Mpaka sasa imebaki wiki moja na mradi bado haujakamilika na wafanyakazi hawapo site" Aliongeza Mkurugenzi

Pia Mkurugenzi alisema kuwa tumekazana baadhi ya vitu vimalizike kwa  kutumia force account ili sehemu ya chini ya jengo hili iweze kukamilika kwa  haraka kwaajili ya shughuli za  uchaguzi mkuu ziweze kufanyika.

Sambamba na hayo Wakaguzi walimshauri mwanasheria wa manispaa kumwandikia barua ya onyo wakala wa majengo (TBA) ili aweze kuongeza kasi ya kuendeleza mradi huo"

Wakati wakiendelea na ukaguzi katika sehemu mbalimbali za jengo hilo Wakaguzi walishangazwa na idadi ndogo ya vibarua ambao wapo kwenye mradi. 

NB.Timu ya Ufuatiliaji na  tathimini inatembelea Miradi ya Kimkakati  iliyopo katika Mkoa wa Dar es Salaam na kwa Manispaa ya Ubungo imeanza na ujenzi  wa jengo la Utawala na kumalizia na ujenzi wa Soko la Mburahati kesho kutwa tarehe 10/9/2020