UBUNGO YAADHIMISHA SIKU YA UKIMWI KIWILAYA

Posted on: November 27th, 2021

Kuelekea kilele Cha Maadhimisho ya siku ya ukimwi Duniani ambayo huadhimishwa  tarehe 1, desemba kila mwaka, Manispaa ya Ubungo kwa kushirikiana na Asasi zisizo za Kiserikali ikiwemo Konga ya  Manispaa ya Ubungo imeadhimisha siku ya ukimwi  Kiwilaya katika ukumbi wa mikutano wa TGNP uliopo Mabibo na kutoa misaada kwaajili ya malezi ya watoto ikiwemo  Taulo za kike 1224, lishe kwaajili ya watoto na  malighafi ambazo vyote kwa pamoja vimegharimu  jumla ya shilingi 3,036,000 

Maadhimisho hayo yamefanyika leo tarehe 27.11.2021  yamekwenda Sambamba na Kauli mbiu ya Zingatia Usawa, Tokomeza UKIMWI,Tokomeza magonjwa ya Mlipuko

Akifungua Maadhimisho hayo Mkuu wa Wilaya ya Ubungo Mheshimiwa Kheri James amezishukuru Asasi  zilizo mstari wa mbele  na mapambano dhidi ya UKIMWI na kuwataka kueendelea na moyo huo huo

Aliendelea kwa kusema kuwa maambukizi ya UKIMWI hayawezi kumzuia mtu kutofanya shughuli zake za maendeleo  na pia nipendelee kuwaasa na watu wengine inapaswa  kuwa na utamaduni wa kupima Afya  ilikuweza kujua Kama umepata maambuki  na kwa wale ambao tayari wanamaambukizi waendelee kuchukua tahadhari

"Tuishi nao kwa upendo watu waliopo kwenye Jamii zetu wenye maambukizi ya UKIMWI, tuwajali na tusiwa nyanyapae" alisisitiza  hayo Kheri

Nae Mercy Ndekeno Mratibu wa kudhibiti  Ukimwi Manispaa ya Ubungo ametoa taarifa hali ya kuenea kwa VVU na UKIMWI kwa Wilaya ya Ubungo ni asilimia 2.3 ambalo kiwango kipo chini ya kiwango Cha kitaifa cha asilimia 4.7

Aliendelea kueleza huduma zinazotolewa na Halmashauri katika kusaidia kupunguza maambukizi kwa Wilaya ya Ubungo ambapo kumekuwa na huduma zinazotolewa za upimaji wa VVU kwa hiari na  ushauri nasaha   katika vituo vya Afya 42  vilivyopo katika Manispaa ya Ubungo

Na pia utoaji wa dawa za kufubaza virusi vya Ukimwi (ARVs)  katika vituo 42 ambavyo vinaendelea kutoa huduma hii

Kuratibu kamati za kudhibiti  Ukimwi za Halmashauri katika ngazi ya Halmashauri ,kata,mitaa ili ziweze kutekelezwa majukumu yake, Kutoa elimu na huduma ya matunzo kwa watumishi wanaoishi na Vvu , Kutoa elimu ya kudhibiti Ukimwi kwa  Vijana walioko mashuleni sekondari na shule za msingi

Alikadhalika kuratibu mashirika na Asasi zisizokuwa za Serikali zinazopambana  na kudhibiti maambukizi mapya VVU kwa makundi yaliyokatika Hatari kubwa ya maambukizi

Mwisho, Ndekeno ameendelea kuwashukuru Asasi  20 zinazoshirikiana na Manispaa ya Ubungo kutoka katika Kata 14  wanazoshiriki ipasavyo katika mapambano dhidi ya UKIMWI na Asasi izo   ni KONGA,TGNP,STEPS TZ,YOCO,ZITAE,Care for AIDS ,RLST,Center Against GBV n.k