UBUNGO YAADHIMISHA WIKI YA UNYONYESHAJI DUNIANI

Posted on: August 2nd, 2021

Ikiwa ni maadhimisho ya wiki ya unyonyeshaji dunia kwa muda wa siku saba kuanzia Jana august 1 mpaka agust  7 yakiongozwa na kauli mbiu ya "JUKUMU LETU SOTE"  Manispaa ya Ubungo imeadhimisha kwa kupitia kituo Chake Cha  afya Cha Mbezi kwa kuongea na wakina mama wanaonyonyesha juu ya kuzingatia lishe Bora kwa afya ya mtoto

Akiongea wakati wa maadhimisho hayo Afisa lishe Manispaa ya Ubungo Beatrice Mosile amewasisitiza wakina mama kuzingatia lishe Bora ya vyakula na kuzingatia masharti yanayotolewa na wataalam wa afya juu ya utunzaji wa afya ya mtoto na pia mama anayenyonyesha

Aidha alitoa elimu ya lishe anayotakiwa mtoto kuipata ikiwemo kunyonyeshwa  maziwa ya mama kwa kipindi Cha miezi sita bila ya kupewa chakula chochote na atakapofikisha zaidi ya miezi sita na kuendelea mtoto anaweza kupatiwa  mchanganyiko wa vyakula

" Hakikisha mwanao ananyonya mpaka miaka miwili ili awe na afya bora"  alisema Mosile

Kwa mama aliyeathirika na mtoto aliyezaliwa ajapata maambukizwi anashauri kunyonyesha mtoto kwa kipindi Cha mwaka mmoja na kwa aliyepata maambuzi na mtoto akaathirika atanyonyesha kwa muda wa miaka miwili. Aliongeza Mosile

Nae mratibu wa afya jamii Bi.Shubila Bachuba aliwasisitiza kuzingatia maagizo yanayotolewa n idara ya afya kwa Sasa juu ya ugonjwa wa korona kwa kuhakikisha wanafata miongozo ya kujikinga kwa kunawa mikono kwa maji titirika na kuoga wanapokuwa katika mikusanyiko kabla ya kumshika mtoto warudipo majumbani kwa kumlinda mtoto

Sambamba na hayo bi.magret mbena mmoja wa  wamama walioshiriki katika uzinduzi wa maadhimisho hayo  ameshukuru kwa elimu waliyopata na kuahidi kuzingatia lishe Bora kwa afya ya mtoto wake