UBUNGO YAPOKEA TAARIFA YA MGAWANYO WA MALI,MADENI NA WATUMISHI KUTOKA LILIKOKUWA JIJI

Posted on: June 30th, 2021

Halmashauri ya Manispaa ya Ubungo yapokea Mgawanyo wa watumishi ,Madeni na Mali kutoka katika lililokuwa Halmashauri ya jiji la Dar es Salaam  liliovunjwa na aliyekuwa Rais wa Jamuhuli ya Muungano wa Tanzania Hayati Dkt.John Pombe Magufuli tarehe 24 Feb,2021

Akiwasilisha taarifa hiyo katika baraza maalum  leo tarehe 30 juni, 2021 Mchumi wa Manispaa ya Ubungo Salvius Nkwera aliainisha Mali ambazo Halmashauri ya Manispaa ya Ubungo ime pata kuwa ni watumishi 43 , magari 4, pikipiki 1, mitambo 3 na vingine vingi.

Aidha, Manispaa ya Ubungo katika mgao wa ardhi, majengo na viwanja imepata maeneo matatu ya uwekezaji ambayo ni Asphalt plant and fenced Yard,  stendi ya mabasi Magufuli (Mbezi Luis) na stendi ya zamani ya Ubungo

Pia Manispaa ya Ubungo imepewa  Mashauri 3 Kati ya 21 kutoka Lililokuwa jiji la Dar Es salaam

Katika mgawanyo huo pia  Manispaa ya Ubungo imerithi mikataba ya ujenzi na huduma na kurithi Madeni yenye thamani ya shilingi Bil.9.030

Nae Mstahiki Meya Manispaa ya Ubungo Jaffari Nyaigesha  aliwataka watalaam kuendeleza juhudi hasa katika usimamizi wa miradi na uendeshaji mzuri ili mapato yaweze kuongezeka na kufikia lengo

Pia Mwenyekiti wa chama Wilaya ya Ubungo Ndg.Mgonja aliwaomba watalaam kupitia miradi mikubwa ambayo Ubungo imerithi ikasimamiwe ipasavyo ili mapato yaongezeke

"Niwapongeze kwa kupata Hati Safi kwa miaka Mitatu Mfululizo" alisema Mgonja

Ikumbukwe kuwa  baada ya kuvunjwa kwa lililo kuwa jijIa la Dar es Salaam na aliyekuwa  Rais wa Jamuhuli ya Muungano wa Tanzania  Hayati Dkt.John Pombe Magufuli  aliipandisha hadhi Halmashauri ya Manispaa ya ilala na kuwa Halmashauri ya Jiji la Dar es Salaam tarehe 24 Feb 2021