UBUNGO YAPOKEA VIFAA TIBA KUTOKA CHUO KIKUU CHA DAR ES SALAAM

Posted on: October 25th, 2021

Manispaa ya Ubungo,  tarehe 25.10.2021 imepokea Vifaa  tiba ( mashuka 100,sanitizer 60  pamoja na  wheelchair 4  (viti maguru ) kutoka Chuo Kikuu Cha Dar es salaam ikiwa  ni maadhimisho ya miaka 60 toka kuanzishwa kwa chuo hiko

Akipokea Vifaa hivyo Mkurugenzi wa Manispaa ya Ubungo Beatrice Dominic  ameushukuru Uongozi wa chuo kikuu Cha Dar es salaam  kwa jitihada walizoonyesha kwa  mchango mkubwa wa vifaa hivyo ambao utawanufaisha wananchi wa  Wilaya ya Ubungo 

Beatrice, amekipongeza chuo  kwa kufikisha miaka 60 tangu kuanzishwa kwa kwake   na kwa mchango  mkubwa ambao Kituo Cha Afya Cha Kimara kimeupata.

 "Vifaa hivi tuna ahidi kuvitunza na kuhakikisha vina dumu" aliongeza Beatrice 

Aidha  Prof.William Anagise  Makamu Mkuu wa chuo Cha Dar es salaam akisoma taarifa fupi ya tangukuanzishwa kwa chuo hicho  amesema kuwa  chuo kitaendelea kushirikiana na Manispaa ya Ubungo katika kuwaletea  manufaa  wananchi wa Ubungo na Taifa kwa ujumla.

Aliendelea kwa kusema kuwa katika siku hii ya  Maadhimisho ya miaka 60 tangu   chuo Kikuu  Cha Dar es salaam kuanzishwa itaadhimishwa kwa kipindi cha mwaka mzima  kwa kuendelea kutoa huduma kwa jamii na kutoa ushirikiano kwenye masuala mbalimbali ya maendeleo

Kwa upande wake Mganga Mkuu Manispaa ya Ubungo Dkt.Peter Nsanya amepongeza jitihada za chuo kikuu cha Dar Es Salaam kwa ushirikiano walio utoa ikiwa ni njia moja wapo ya kuboresha mahusiano mazuri na kuendelea kutoa huduma  kwa wananchi.

Mfawidhi  wa Kituo Cha Kimara Dickson Masale  ameushukuru Uongozi wa chuo hicho kwa kukichagua kituo hicho kutoa vifaa hivyo  kati ya vituo 22 vya serikali vinavyotoa huduma Manispaa ya Ubungo.

Shukrani zingine amezitoa kwa Mkurugenzi wa Manispaa ya Ubungo kwa kuendelea kukilea vyema Kituo hicho na kuendelea kuleta matunda zaidi

ReplyForward