WANAWAKE KATA YA SARANGA WASHEREKEA SIKU YA WANAWAKE

Posted on: March 3rd, 2022

Wakati maadhimisho ya siku ya wanawake yakiendelea katika maeneo mbalimbali nchini, wanawake wa Kata ya Saranga Manispaa ya Ubungo kupitia kikundi cha kituo cha Taarifa na Maarifa wamejipanga kuanzisha kiwanda cha kuchakata taka Kwa ajili ya kujiongezea kipato na kutunza mazingira.

Akieleza kwenye Maadhimisho hayo mmoja wa wanakikundi hicho alisema  waliamua kuanzisha mradi huo baada ya kuona Uwepo wa taka nyingi ambazo zinaweza kugeuzwa mbolea asili na kufanya mazingira kuwa Safi na kuwezesha kikundi hicho kufikia malengo,

Aidha Kaimu Mkurugenzi wa Manispaa ya Ubungo Dkt. Peter Nsanya alishiriki maadhimisho hayo na  kuwapongeza Kwa wazo zuri la kuanzisha kiwanda cha kuchakata taka na kuwataka kuchangamkia fursa ya kupata mikopo isiyo na riba inayotolewa na Manispaa ili kukuza mtaji wa kiwanda Chao na hatimaye kufikia malengo.

Dkt.Nsanya aliendelea kuwambusha Watendaji wa Kata na Mitaa kusimamia  vizuri swala la ullinzi na Usalama katika maeneo yao ili kuepusha vitendo vya ubakaji vinavyotokea kwenye mitaa hasa nyakaji za usiku

"Imarisheni ULINZI shirikishi ili kukomesha vitendo hivi ambavyo vinawaathiri Sana wakinamama na watoto" alielekeza Dkt. Nsanya

Dkt Nsanya ametumia pia fursa hiyo kuwakumbusha Watendaji wa Kata na Mitaa kuhakikisha Machinga hawarudi kwenye maeneo ambayo hayaruhusiwi kufanya biashara ili kuendelea kuunga mkono juhudi za Serikali za kutaja Machinga wawe kwenye maeneo rasmi ya kufanya biashara.