WANUFAIKA WA MIKOPO 10% WATAKIWA KUFANYA MAREJESHO KWA WAKATI

Posted on: July 27th, 2021

Vikundi vya Vijana na Watu Wenye Ulemavu Halmashauri ya Manispaa ya Ubungo vinavyotarajia kupewa mkopo usio na riba  kufanya marekesho kwa wakati ili kutoa fursa kwa wananchi wengine kunufaika na mfuko huo unaotokana na asilimia kumi  [10%] ya mapato ya ndanj ya  Halmashauri hiyo.

Rai hiyo ameitoa Afisa Maendeleo  wa Manispaa ya hiyo  Rose Mpeleta  kwenye kikao kilichohusisha vikundi vinavvyotarajia kupata mkopo wa vyombo vya moto yaani bodaboda na bajaji na kueleza kuwa watapaswa kuanza kufanya marekesho wiki mbili  baada ya kukabidhiwa vyombo hivyo.

Halmashauri inatarajia kutoa bajaji 13 na bodaboda 16 zenye thamani ya shilingi Millioni 123 lengo ikiwa ni kuviwezesha vikundi hivyo kujikwamua kiuchimi kupitia vyombo hivyo.

"Tambueni kuwa fedha zitakazotumika kununua vyombo hivyo ni Mali ya Serikali na lengo ni kuwakwamu kiuchumi sio sadaka  mnapaswa kurejesha kwa wakati kwa mujibu wa makubaliano ili na wengine wakopeshwe" alisema Mpereta

Aidha Mpeleta amesema,  Kwa sasa Wanufaika wote watakao pata mikopo ya vyombo vya Moto   wanatakiwa kufanya marejesho ya mikopo yao kila baada ya wiki mbili mara baada ya kuka bidhiwa vyombo hivyo.