WATENDAJI KATA,MITAA WATAKIWA KUSIMAMIA USAFI KIKAMILIFU KWENYE MAENEO YAO

Posted on: July 26th, 2021

Mkurugenzi Manispaa ya Ubungo Beatrice Dominic, amewataka watendaji wa Kata na Mitaa  kuhakikisha wanasimamia usafi katika maeneo yao kwani maeneo mengi ni machafu.

Agizo hilo amelitoa leo  Julai 26,2021 kwenye kikao kazi  kilichohusisha watendaji wa kata na Mitaa pamoja na Wenyeviti wa Mitaa wa Manispaa hiyo kilicholenga   kuwakumbusha majukumu yao ikiwemo Usafi, Usimamizi wa miradi ya maendeleo, Ulinzi na usalama pamoja na masuala mbalimbali ya maendeleo katika maeneo yao

Amesema kuwa Kuna watendaji hawasimamii kabisa usafi katika maeneo yao hususani maeneo  wazi *( smart area)* jambo ambalo ni kinyume na maagizo ya Mkuu wa Mkoa ya kuhakikisha  Mitaa yote inakuwa misafi wakati wote.

"Watendaji acheni  kukaa maofisini tokeni mkasimamie usafi katika Mitaa maeneo yenu kwani maeneo yenu mengi ni machafu na ni wajibu wenu kusimamia" Alisema  Beatrice

Aidha Watendaji hao  kuwakumbusha kuwa  suala la usafi  ni ajenda ya kudumu shirikisheni wananchi  na wafanyabiashara kufanya usafi maeneo yao ili kufanya mazingira kuwa Safi kama maelekezo ya Mkoa yanavyosisitiza.