WATENDAJI WA KATA WASISITIZWA KUSIMAMIA AFUA ZA LISHE

Posted on: April 18th, 2024

Watendaji wa kata  Manispaa ya Ubungo wasisitizwa kusimamia afua za lishe kwenye Kata na Mitaa yao katika kikao cha tathmini ya nusu mwaka ya lishe kuanzia julai mpaka disemba 2023 

Agizo hilo limetolewa na  Katibu Tawala Wilaya ya Ubungo Mhe. Hassan Mkwawa alipochanganua taarifa ya kipindi Cha nusu mwaka ya utekelezaji wa mpango wa lishe katika Kata na Mitaa uliolenga mambo mbalimbali kuhusiana na lishe sambamba na kutoa elimu kwa jamii na kusimamia utoaji wa vyakula mashuleni 

Mkwawa aliendelea kueleza kuwa, ni jukumu la Kila mtendaji kuhakikisha baada ya kiwango rasmi kutolewa cha wazazi kuchangia kitakachokuwa ni nafuu kwa kila Mzazi kuhakikisha wanazingatia viwango hivyo ili wanafunzi waweze kupata chakula wakiwa shuleni.

"Ili kupata mtoto mwenye uelewa ni lazima lishe izingatiwe la sivyo watoto wenye udumavu wataongezeka kutokana na  lishe duni" alieleza Mkwawa

Sambamba na hayo afisa lishe Manispaa ya Ubungo Beatrice Mossile amesoma taarifa ya mpango wa mafanikio ya lishe na kusema kuwa huduma jumuishi zimefanyika kwa pamoja na jamii ikiwemo upimaji wa hali ya lishe, elimu ya ulaji unaofaa kwa Vitengo (mapishi) chanjo kwa watoto, huduma kwa wajawazito na wanaonyonyesha na usafi wa Mazingira

Mossile aliendelea kwa kueleza kuwa pia vituo vya kutolea huduma za afya na Vitengo na idara mtambuka kuhusu  huduma mtambuka za lishe vimeweza kupanga bajeti ya utekelezaji wa huduma za lishe na kazi kuweza kufanyika