WASIMAMIZI WA VITUO VYA KUPIGIA KURA WAPIGWA MSASA KUELEKEA UCHAGUZI MKUU 2020

Posted on: October 23rd, 2020

Msimamizi wa Uchaguzi Jimbo la Ubungo na Kibamba Beatrice Dominic amewataka Wasimamizi wa vituo vya kupigia kura katika Uchaguzi mkuu ujao kutekeleza majukumu yao kwa weledi, uadilifu na pamoja na kuzingatia miongozo na maelekezo yatakayotolewa na Tume ya Taifa ya Uchaguzi ili zoezi la uchaguzi liende vizuri.

Maelekezo hayo yametolewa leo wakati akifungua semina elekezi kwa wasimamizi hao wa vituo vya kupigia kura iliyofanyika Leo tarehe 23 oktoba ,2020 katika kumbi za chuo kikuu cha Dar es salama

Msimamizi msaidizi jimbo LA Ubungo Kissah Mbilla akitoa mafunzo elekezi kwa wasimamizi wa vituo vya kupigia kura.

Beatrice amewaeleza Wasimamizi hao wa vituo vya kupigia kura kuwa, kushindwa kutekeleza wajibu wao ipasavyo kunaweza kusababisha vurugu, malalamiko au kufutwa kwa matokeo ya uchaguzi, "hivyo ili Uchaguzi ufanyike Kwa amani na haki  zingatieni Sheria, miongozo na taratibu za uchaguzi"

Wasimamizi wa vituo vya kupigia kura wakisikiliza kwa makini maelekezo ya namna ya kusimamia uchaguzi Mkuu utakaofanyika tarehe 28 oktoba,2020

Aidha, Wasimamizi na Wasimamizi wasaidizi wa vituo  vya kupigia kura wana wajibu wa kuhakikisha utulivu na usalama unakuwepo muda wote kwenye kituo cha kupigia kura, hii itafanya wapige kura kwa Uhuru na amani.

"Mkitumia madaraka yenu vizuri mtasaidia kuondoa migogoro inayoepukika na kufanya zoezi la uchaguzi wa Rais, Wabunge na Madiwani kuwa la mafanikio makubwa" alieleza Beatrice

Aidha, Beatrice amewasisitiza Wasimamizi wa vituo  hao kuheshimu viapo walivyo apa vya kutunza Siri  na kujitoa uanachama wa vyama vya siasa wakati  wote kuanzia, wakati wa mafunzo, Uchaguzi na baada ya zoezi la uchaguzi kumalizika.

Manispaa ya Ubungo ina jumla ya vituo 1545 vya kupigia kupigia kura Kwa Jimbo la Ubungo na Kibamba.