YUSUPH YENGA, NAIBU MEYA MPYA MANISPAA YA UBUNGO

Posted on: August 15th, 2022

MHESHIMIWA YUSUPH OMARI YENGA AIBUKA KINARA, PONGEZI NYINGI KWAKE

Manispaa ya Ubungo imepokea kwa bashasha matokeo ya uchaguzi wa Naibu Meya Manispaa ya Ubungo Mhe. YUSUPH OMARI YENGA kutoka Kata ya Mburahati ambaye ameshinda kwa kura 19 sawa na asilimia 95%  nakupata nafasi ya kuwa Naibu Meya katika Manispaa hiyo akichukua nafasi ya aliyekuwa Naibu Meya Hassan Mwasha kutoka Kata ya Msigani

Uchaguzi huo umefanyika Leo agosti 15, 2022 ambapo Kila baada ya mwaka mmoja hufanyika uchaguzi kwaajili ya kumchagua Naibu Meya kwa mujibu wa Sheria.

Akitoa shukrani zake Mhe.  YENGA ameshukuru wajumbe wa baraza hilo kwa kumpa kura za ndio

"Ntaenda kufanya kazi Kama mlivyonniamini , mnipe ushirikiano wenu" aliongeza Yenga

Nae aliyekuwa Naibu Meya Mhe. Hassan Mwasha ametoa shukrani zake za pekee katika baraza hilo kwa   madiwani wote kwa ushirikiano mkubwa walio muonyesha kipindi alipokuwa Naibu na pia amempongeza Naibu Meya mpya kwa kupata nafasi hiyo

Aidha, katika baraza hilo wenyeviti na wajumbe wa  kamati mbalimbali  walichaguliwa

Aidha, Mkuu wa Wilaya ya Ubungo Mheshimiwa Kheri James amempongeza kwa ushindi Naibu Meya YUSUPH OMARI YENGA  na wajumbe wa kamati zote na  kuwaahidi  Serikali kuwapa ushirikiano katika utekelezaji wa majukumu

Nae Mkurugenzi wa Manispaa hiyo ndugu, Beatrice Dominic amewapongeza wajumbe wa kamati zote na Naibu Meya kwa kuchaguliwa na kuahidi kuendelea kushirikiana bega kwa  bega katika kutekeleza majukumu ya halmashauri

Halikadhalika, Zoezi la ugawaji wa vyeti vya shukrani kwa waliokuwa viongozi wa kamati zilizopita lilifanyika.

Pamoja na hayo baraza liliwapongeza mtendaji kata ya Ubungo, Mwenyekiti sinza C, mtendaji kata ya manzese, Mwenyekiti Mtaa wa kibangu na Mwenyekiti wa Msumi