ZIARA YA NAIBU MSTAHIKI MEYA WA ZANZIBAR

Posted on: May 31st, 2021

Mstahiki Meya wa Manispaa ya Ubungo Jaffary Juma Nyaigesha ametembelewa na Naibu  Mstahiki Meya wa Mjini Zanzibar Khadija Miraji lengo likiwa ni kujifunza  namna Bora ya usimamizi wa miradi, ukusanyaji  wa Mapato na udhibiti wa matumizi  na  hali inayowafanya kupata hati Safi katika ukaguzi wa hesabu za Serikali.

Mstahiki Meya wa Manispaa ya Ubungo amepokea wageni hao leo Mei  31, 2021  ambapo watajifunza mambo mbalimbali ikiwemo ukusanyaji wa Mapato na  matumizi  ya Fedha kwa ajili ya maendeleo kwa wananchi wake na kutembelea mradi wa ujenzi wa hospitali ya Wilaya na Kituo cha mabasi ya Magufuli

Akiongea wakati wa kuwakaribisha wageni hao Nyaigesha alisema kuwa, ni heshima kubwa kwa Manispaa hiyo kutembelewa na ugeni huo imesaidia katika kuboresha mahusiano na  mwanzo mzuri wa kuhakikisha wanajenga mahusiano yaliyo bora

Aidha kiongea wakati wa kikao  hicho Mkurugenzi wa manispaa ya ubungo Beatrice Dominic   alifafanua namna ambavyo halmashauri inafanya matumizi kutokana na mapato inayokusanywa

Beatrice  alieleza  kuwa   asilimia 60%  ya mapato   yanayokusanywa ni kwa ajili ya utekelezaji wa miradi ya maendeleo na 40℅ kwa ajili ya matumizi ya kawaida ya Halmashauri

Beatrice aliendelea kusema kuwa  Halmashauri hukusanya  mapato yake kutoka katika vyanzo mbalimbali ikiwemo ulipishaji wa ada za leseni za biashara, ushuru wa huduma, leseni za vileo, na tozo mbalimbali za Halmashauri ambapo mpaka sasa Manispaa imekusanya Billioni 16.413  Sawa na 91% ya makusanyo na  hadi kufikia June 30 asilimia iliyobaki itakuwa imekusanywa ili kukamilisha asilimia 100  ya mapato yake.

Pia Manispaa ya ubungo  kwa kipindi cha miaka minne mfululizo imefanikiwa kupata hati Safi katika kaguzi za hesabu za serikali na Manispaa itaedelea kusimamia kanuni, sheria na miongozo ya makusanyo na  matumizi ya Fedha za Umma ili  kuendelea kupata hati Safi

Nae Khadija Miraji aliipongeza manispaa ya ubungo kwa utekelezaji wa miradi na utendaji wake katika swala zima la ukusanya wa mapato na matumizi